Taknak Tulis tajuk ape2 buleyh??


haha..okee...arini den nak naip entry lam edisi nismilan lak..buleh? apo?? ado yg x paham?? dulik po den..lantak koghang la nak paham ko tak..yang ponting den yg nak nulih..eh naip...banyak bonar lak songeh eh..korang baco yo ontok2...bukan apo.. punyo semangat..meluap-luap kek dado den bilo dongar nismilan akan monang lawan ponyu sok... hahaha..
somemang eh,den mmg penyokong tegar pasukan Ghuso...abah den org nismilan...so dari kocik sampai la bosa cam nakgajah ni...den mmg sokong nismilan..mmg sojak lahir dah azali laei... uiceh!!

oke... masok bab laen lak yo...

den sobonar eh nak cito sikit2 sal tompek kojo den kek shalam nia!..makin ari den ghaso makin soleso ngan suasano kek sini...den dah dapek tiun eh..kojo yang borek2 dulu den raso makin gingan...yg susah2 maghin.. sumo eh dah ghaso sonang amek... pojam mato pun leh masak...hehe... dulu momulo kojo teghaso yo ponek..tp skang ni dah kigho normel2 yo...yo la an..dulu mask berduo..skang dah masok oghang baghu.... gingan skit kojo den... lau x maghin sume den nak kono buek..skang dah ado bahagian memasing... hehe..

erk....ado yg dah busan ko baco bahaso nismilan nih???  ilek la dulu...ari2 dok baco bahaso baku , bahasa sms , skali skalo kono la gak baco bahaso-bahaso camni an... an an an????
baghu la lueh skit permandangan... dah banyak aku mlalut nih..kojo tak yo siap2 laei.. ok lah yo...jumpo laei...


p/s : hehe..semuo bondo kek ateh ni adolah hak cipto terpeliharo oleh den sendirik.... apo2 pon thanks sobab sudi nak mmembaco eh... sian korang sampai terbolit2 lidah nak maco kan..wakakaa :o)

0 comments:

ToLoNg bAgI keMo sY MaKan Eh!~

Recent Posts

Semanis Kopi Pekat

Download Muvee at MHOmuvee

 

Designed by Templateism